Централизованная библиотечная система города Витебска

Сёння, калі дзеці і дома, і ў школе пастаянна карыстаюцца камп'ютарамі, планшэтамі, смартфонамі, дарослыя ўсё часцей б'юць трывогу. Падлеткаў проста "зацягвае" у віртуальны свет. Разабрацца, калі камп'ютэр прыносіць карысць, а калі – шкоду, наведвальнікам школьнага лагера ДУА "Сярэдняя школа №28 г. Віцебска" дапамагла гадзіна бяспекі "Як не трапіць у камп'ютэрны палон?", якая прайшла 18 чэрвеня ў бібліятэцы імя Ул. Караткевіча.

Падлеткам расказалі, чым так прывабліваюць кампьютэрныя гульні, як яны уплываюць на псіхічнае здароўе чалавека, чаму ўзнікае камп'ютэрная залежнасць, як яе распазнаць, і што рабіць, калі праблема ўжо ўзнікла?

Бібліятэкар таксама прыпынілася на такой распаўсюджанай сёння з'яве, як кібермобінг і нагадала падлеткам правілы інтэрнэт-зносін і інтэрнэт-бяспекі, а таксама прадставіла новую кнігу Паўла Астахава "Сетка". Галоўная гераіня рамана вяла перапіску ў закрытай групе, сімвал якой - выкінуўшыйся на бераг сіні кіт... Адвакату падалося пранікнуць у самае сэрца віртуальнай "групы смерці" і выйсці на тых, для каго самагубства падлеткаў стала жудасным хобі і садысцкай забавай. Беражыце сваё жыццё – вось галоўны вывад гэтага твора і гадзіны бяспекі.