Централизованная библиотечная система города Витебска

10 верасня адзначаецца Сусветны дзень прадухілення самагубстваў. Статыстыка сцвярджае, что сярод прычын смерці людзей ва ўзросце ад 15 да 29 гадоў самагубства займае другое, а ў некаторых краінах і першае месца. Існуе цесная сувязь паміж схільнасцю да суіцыду і псіхалагічным насіллем у адносінах да маладога чалавека.

Гэтай праблеме былі прысвечаны ўрокі псіхалагічнай дапамогі "Абарані сябе сам", якія прайшлі ў бібліятэцы імя Ул.Караткевіча з 24-га па 27-га верасня. Дзевяцікласнікам ДУА "Сярэдняя школа №12 г. Віцебска" расказалі аб непрыязнасці і булінгу на прыкладах гэтых з'яў у навучальных установах, арміі і працоўных калектывах.
       Падлеткам растлумачылі якімі могуць быць вынікі булінга, як рэагаваць, калі ты апынуўся аўтсайдэрам, што такое сіндром ахвяры і як супрацьстаяць насіллю. Яны даведаліся што трэба рабіць, калі з'явіліся думкі аб суіцыдзе і якое пакаранне чакае выступаючых у ролі агрэсара (булі). Бібліятэкар паведаміла аб такой распаўсюджанай сёння з'яве, як кібермобінг і нагадала дзецям правілы інтэрнэт-зносін і інтэрнэт-бяспекі. Напрыканцы ўвагу падлеткаў звярнулі на кнігі і артыкулы з перыядычнага друку, якія асвятляюць ўзнятыя праблемы.