Централизованная библиотечная система города Витебска

    10 чэрвеня ў бібліятэцы імя Ул. Караткевіча для наведвальнікаў летняга лагера «Патрыёт» ДУА «Сярэдняя школа №28 г. Віцебска» прайшла выхаваўчая гадзіна «Быць патрыётам – служыць Беларусі!».

    Размова з падлеткамі ішла ў розных накірунках: любоў да малой і вялікай Радзімы, захаванне духоўнай спадчыны, веданне звычаяў, абрадаў і традыцый свайго народа, цікавасць да гісторыі краіны, беражлівыя адносіны да роднай прыроды, выхаванне нацыянальнай самасвядомасці, нацыянальнай годнасці і грамадзянскасці.

Асобная частка мерапрыемства была прысвечана вытокам патрыятызму нашага народа, гераізму і подзвігам савецкіх салдат, партызан і падпольшчыкаў у гады Вялікай Айчыннай вайны. Выхаваўчая гадзіна дапамагла ўсвядоміць кожнаму яе ўдзельніку, што быць сапраўдным патрыётам – значыць адчуваць сябе спачатку прадстаўніком сям'і, роду, а пасля і неад'емнай часткай сваёй Айчынай, а галоўнае - прыкладаць уласныя намаганні для далейшага яе развіцця і працвітання.