24 красавіка ў бібліятэцы імя У. Караткевіча прайшла патрыятычная гадзіна «Нельга забыць, нельга дараваць, нельга апраўдаць», якая была прысвечана жыццю і творчасці Героя Беларусі, Народнага мастака СССР і БССР Міхаіла Савіцкага.

    У мерапрыемстве бралі ўдзел вучні 7 «Б» класа СШ №28. Ім расказалі пра дзіцячыя і юнацкія гады мастака, пра яго ўдзел у абароне Севастопаля ў гады Вялікай Айчыннай вайны, пра страшныя нечалавечыя выпрабаванні, праз якія ён прайшоў у канцэнтрацыйных лагерах Дзюсельдорфа, Бухенвальда і Дахау. Асобная старонка мерапрыемства была прысвечана цыклам яго карцін «Беларусь партызанская» і «Лічбы на сэрцы», якія расказваюць пра змаганне беларусаў у тыле ворага, з'яўляюцца яскравым сведчаннем злачыннай сутнасці нацызма і выкрываюць фашысцкія тэхналогіі па забойству мільёнаў людзей.