Централизованная библиотечная система города Витебска

4 красавіка бібліятэка імя А.С. Пушкіна запрасіла студэнтаў і выкладчыкаў УА "Віцебскі дзяржаўны індустрыяльна-тэхналагічны каледж" на вусны часопіс "Віцебск ад вытокаў да сучаснасці", прысвечаны Году малой радзімы і 80-годдзю стварэння Віцебскай вобласці.

Першая старонка часопіса "Прыдзвінне. Паміж мінулым і будучым" пазнаёміла прысутных з гісторыяй горада - цікавымі фактамі, зафіксаванымі архіўнымі дакументамі, публікацыямі мясцовага і рэспубліканскага друку склалі непаўторны малюнак, мазаіку часоў і жыхароў.

Другая старонка "Віцебск - горад залатых купалоў" адкрылася відэапрэзентацыяй, якая была прысвечана віцебскім храмам. З цікавым паведамленнем выступіла чытачка бібліятэкі, кіраўнік краязнаўчага аб'яднання па інтарэсах Віцебскага гарадскога цэнтра дадатковай адукацыі дзяцей і моладзі Галіна Рыгораўна Новак. Яна пазнаёміла прысутных з гісторыі будавання і дзейнасці Благавешчанскай царквы, царквы Аляксандра Неўскага, Свята-Духава жаночага манастыра, храма св. Кірылы і Мяфодзія. Асабліва цікавай была гісторыя пра Свята-Троіцкі Маркаў мужчынскі манастыр і храм іконы Казанскай Божай Маці.

Трэцяя старонка вуснага часопіса "Святыя Віцебскай зямлі" прысвечана Віцебскім святым вялікамучанікам. Яе адкрыў госць мерапрыемства - выкладчык Віцебскай духоўнай семінарыі, свяшчэннік Свята- Харлампіеўскага храма аграгарадка Ноўка - Уладзімір Пашкевіч . Ён таксама пазнаёміў прысутных з праваслаўнай літаратурай, адказаў на пытанні і павіншаваў усіх з надыходзячым святам Вялікдня.

На працягу мерапрыемства гучалі вершы і песні мясцовых паэтаў і кампазітараў, прысвечаныя гораду Віцебску.