Централизованная библиотечная система города Витебска

21 і 26 снежня ў бібліятэцы імя Ул. Караткевіча для навучэнцаў ДУА "Сярэдняя школа №11 г. Віцебска" і ДУА "Гімназія №3 г. Віцебска імя А.С. Пушкіна" прайшло свята "Пад Новы год, пад Новы год дзівос нямала і прыгод".

Асноўнае дзейства разгортвалася вакол пасылкі, якая прыйшла ад Дзеда Мароза на адрас бібліятэкі. Там знайшліся зімовыя падарункі для чытачоў бібліятэкі, а таксама святочныя "марозаграмы" ад розных літаратурных персанажаў. Дзед Мароз даручыў бібліятэкарам правесці некалькі цікавых конкурсаў: "Знайдзі рыфму", "Так, ці не", "Халодна - цёпла", "Хто пад елачкай жыве?", "Што любіць Снягурка?", раскрыць таямніцу загадкавых сняжынак з літарамі і нават паказаць фокусы. У фінале свята прагучалі навагоднія песні, пасля "чароўных" слоў загарэлася рознакаляровымі агеньчыкамі навагодняя ёлка.