Цэнтралізаваная бібліятэчная сістэма горада Віцебска

"Чароўныя прыгоды" – так называліся літаратурныя чытанні, у якіх 20 снежня прынялі ўдзел члены гуртка "Бусляня" пры бібліятэцы імя Ул. Караткевіча.

Дзяцей пазнаёмілі з казкай Уладзіміра Суцеева "Ёлка". Ім вельмі спадабаўся галоўны персанаж гісторыі, якому было даручана адказнае заданне дзяцей: даставіць пісьмо Дзеду Марозу з просьбай падарыць на свята елку. І гурткоўцам захацелася зрабіць аплікацыю з выявай галоўнай прыгажуні навагодняга свята. А потым яны пачыталі зімовыя вершы, праспявалі навагоднія песні, а таксама расказалі пра традыцыі святкавання Новага года ў кожнай сям'і.