Цэнтралізаваная бібліятэчная сістэма горада Віцебска

    12 чэрвеня для наведвальнікаў школьнага лагера «Вытокі» ДУА «Сярэдняя школа №6 г. Віцебска» ў бібліятэцы імя М.Горкага прайшла інтэрактыўная гульня «Знаўцы беларускай мовы».

    Мерапрыемства адбылося ў форме спаборніцтва паміж камандамі. Каб вызначыць, хто пачне гульню першы, каманды чыталі зашыфраваны верш пра родную мову Н.Гілевіча, а потым хлопчыкам і дзяўчынкам было прапанавана гульнёвае поле з назвамі раздзелаў («Гэта цікава», «Метаграмы», «Рэбусы», «Загадкі»). У кожным раздзеле было па шэсць пытанняў і, у залежнасці ад цяжкасці пытання, можна было атрымаць ад 1 да 6 балаў. Дзеці знайшлі адказы на ўсе пытанні, даведаліся пра даты святкавання Міжнароднага і Еўрапейскага дзён мовы і прадэманстравалі свае веды.