Цэнтралізаваная бібліятэчная сістэма горада Віцебска

 Пазнавальная гадзіна "Таямніцы падводных глыбінь", у якой бралі ўдзел вучні 2-х і 3-х класаў ДУА "Сярэдняя школа №11 г. Віцебска", прайшла 5 лютага ў бібліятэцы імя Ул. Караткевіча.

   Дзецям нагадалі аб тым, што першыя жывыя істоты з'явіліся менавіта ў вадзе, што вада мора і акіяна – гэта дом для мноства жывых арганізмаў. Вучні атрымалі шмат цікавай інфармацыі пра рыб і крабаў, марскіх зорак і марскіх конікаў, медуз і малюскаў, кітоў і дэльфінаў, акул і васьміногаў. Некаторых з іх, дзякуючы ўласнай калекцыі бібліятэкара, змаглі  дэталёва разглядзець, дакрануцца, патрымаць у руках.

   Закончылася мерапрыемства невялічкай віктарынай "Жыццё пад вадой". Дзеці паспяхова адказвалі на пытанні, дзяліліся ўспамінамі пра свае адпачынкі на моры, расказвалі аб тым, што яны бачылі, што іх здзівіла, што запомнілася.