Цэнтралізаваная бібліятэчная сістэма горада Віцебска

     16 лютага ў бібліятэцы імя Ул. Караткевіча вучняў 3 «В» класа СШ №11 запрасілі прыняць удзел у моўных хвілінках «Скарбы слоў з душы народнай».

     Іх увазе прапанавалі цікавыя гульні і віктарыны, падчас якіх трэба было адгадаць загадкі, саставіць з аднога слова дзесяць, раскрыць значэнне фразеалагізмаў, перакласці словы з рускай мовы на беларускую, знайсці пачатак і канец прыказкі, назваць словы па іх тлумачэнню і інш. Дзецям таксама былі прадстаўлены новыя кнігі серыі «Таямніцы беларускай мовы», якія ў папулярнай форме знаёмяць чытача з асаблівасцямі маўлення і напісання беларускіх слоў.