Цэнтралізаваная бібліятэчная сістэма горада Віцебска

     Агляд літаратуры «Прыпыніся на хвілінку, пачытай кніжку-навінку», удзельнікамі якога сталі вучні 1-2 класаў СШ №28, прайшоў 15 лютага ў бібліятэцы імя Ул. Караткевіча.

     Сярод новых выданняў, прадстаўленых чытачам былі энцыклапедыі, навукова-папулярныя і мастацкія выданні. Гартаючы старонкі багата ілюстраваных кніг серыі «Дзіцячая энцыклапедыя» дзецям агучылі цікавыя факты пра птушак, насяляючых розныя куткі зямнога шара, пра дзівосны свет мораў і акіянаў, пра горы, вулканы і мінералы, пра кошак і кацянят, сабак і шчанюкоў.
     Кніга «Казкі - чамучкі» адказала на пытанні: чаму вымерлі маманты і чаму слон жыве ў цёплых краінах, чаму янота называюць паласкуном і чаму ў дзятла на галаве чырвоная шапачка, чаму страус не лётае, а ў папугая рознакаляровае пер'е.