Цэнтралізаваная бібліятэчная сістэма горада Віцебска

     3 чэрвеня ў бібліятэцы імя Ул. Караткевіча прайшла святочная праграма «Для шчасця ў свет прыходзяць дзеці», прыўрочанае да Міжнароднага дня аховы дзяцей. У мерапрыемстве бралі ўдзел наведвальнікі летняга лагера СШ №12 . Дзецям расказалі пра гісторыю ўтварэння свята, пра сімваліку малюнкаў, размешчаных на спецыяльным сцягу, прадставілі кнігі на выставе «Дзяцінства пад аховай».

     Дзеці адгадвалі летнія загадкі-нескладушкі, адказвалі на пытанні казачнай прававой віктарыны, бралі на сябе адказнасць за ўвесь зямны шар, беражліва перадаючы яго з рук у рукі. Кожны ўдзельнік патрымаў у руках сцяг і пад песню «Хай заўжды будзе сонца!» зарадзіў яго энергетыкай міра і дабрыні.