Цэнтралізаваная бібліятэчная сістэма горада Віцебска

        16 кастрычніка ў бібліятэцы імя Ул. Караткевіча да дня нараджэння Дзмітрыя Маміна-Сібірака з удзелам вучняў 4 «Б» класа гімназіі №3 прайшла літаратурная гадзіна «Добрыя і мудрыя казкі». Юныя чытачы даведаліся пра факты з жыцця і творчасці пісьменніка, пра яго дзяцінства, пра захапленні і добрую атмасферу, якая панавала ў сям'і, дзе ўсе вельмі любілі кнігі.

         Распавялі аб тым, як Мамін-Сібірак для сваёй маленькай дачкі прыдумляў пацешныя, добрыя казкі пра баязлівага зайца, хітрага вераб'я, непаваротлівага мішку, муху - зазнайку і іншых персанажаў, і як, такім чынам, стваралася кніга «Алёнушкіны казкі». Вучні яе прачыталі дома, таму актыўна адказвалі на пытанні віктарыны па добрым і мудрым казкам пісьменніка.