Цэнтралізаваная бібліятэчная сістэма горада Віцебска

   23 студзеня ў бібліятэцы імя Ул. Караткевіча прайшоў урок радзімазнаўства «Найпрыгажэйшая ў свеце беларуская зямля» з удзелам вучняў 3 «А» класа СШ №11.

   Бібліятэкар нагадала прыгожыя назвы нашай краіны, дадзеныя Уладзімірам Караткевічам і іншымі беларускімі паэтамі і пісьменнікамі, расказала пра паходжанне назвы «Белая Русь», пра помнікі прыроды – тысячагадовыя дубы ў Брэсцкай і Гродзенскай вобласці, пра якія ўзгадвае Ул. Караткевіч у кнізе «Зямля пад белымі крыламі», пра блакітнае ўпрыгожванне нашай зямлі – рэкі і азёры і легенды з імі звязаныя. Напрыканцы мерапрыемства дзеці пачыталі напамяць вершы Уладзіміра Караткевіча, Міхася Пазнякова, Васіля Віткі, Юрася Свіркі пра прыгажосць і непаўторнасць беларускіх краявідаў.