Цэнтралізаваная бібліятэчная сістэма горада Віцебска

   4 і 5 чэрвеня ў бібліятэцы імя Еўдакіі Лось адбыўся літаратурна-гістарычны экскурс з цыкла «Быць жанчынай – вялікі крок», прысвечаны Дню памяці Еўфрасінні Полацкай. Яго ўдзельнікамі сталі падлеткі, наведваючыя профільныя лагеры СШ №7 і СШ №17 імя І.Р. Бумагіна.

   Святая зямлі беларускай, нябесная заступніца і апякунка, асветніца – усе гэтыя характарыстыкі, што належаць Еўфрасінні Полацкай, вядомы кожнаму беларусу. Дзейнасць гэтай моцнай жанчыны з далёкага старажытнага часу была настолькі велізарнай, што немагчыма знайсці адэкватнае параўнанне з сучаснасці. Разам з бібліятэкарам дзеці ўспаміналі біяграфічныя вехі знакамітай палачанкі, разважалі над гістарычнымі ўмовамі даўніх часоў.

   Падчас экскурсу гучалі вершы беларускіх паэтаў, прысвечаныя Прападобнай.