Централизованная библиотечная система города Витебска

     29 верасня супрацоўнікі бібліятэкі імя Ул. Караткевіча ў дзіцячым садзе №110 «Зорачка» для наведвальнікаў двух старшых груп правялі літаратурнае свята да 140-годдзя беларускіх песняроў «Купалы і Коласа песні над роднай старонкай гучаць».

     Дзецям расказалі пра дзіцячыя гады паэтаў і прапанавалі прыняць удзел у гульнях і конкурсах па іх творчасці: «Папараць-кветка», «Колас-сімвал жыцця», «Самы лепшы лётчык», «Самая лепшая рукадзельніца», «Вясёлая зарадка ад двух Марозаў» і інш. Дзеці з цікавасцю слухалі аповед бібліятэкара і з імпэтам, і задорам выконвалі розныя заданні. Напрыканцы мерапрыемства ўсе яго ўдзельнікі атрымалі рэкламныя лістоўкі бібліятэкі і запрашэнні стаць чытачамі бібліятэкі.