Централизованная библиотечная система города Витебска

11 снежня ў бібліятэцы імя Уладзіміра Караткевіча пачалася падрыхтоўка да навагодніх свят і калядкаў. На святочнай гадзіне "На Раство Хрыстова анёл паляцеў" дзецям расказамі біблейскую гісторыю з'яўлення анёлаў, адказалі на пытанне, чаму анёлы сталі адным з традыцыйных сімвалаў Раства.

Гурткоўцы даведаліся, што анёлы-веснікі, пасланцы з'яўляюцца злучным звяном паміж светам людзей і ўсемагутным Стваральнікам. Валанцёр Анжэліка Вішнеўская паказала майстар-клас вырабу анёлаў у розных тэхніках. Дзяўчынкі добра папрацавалі і кожная зрабіла па шэсць анёлаў: белых і рознакаляровых, з ручкамі, з адзіночнымі і двайнымі крыламі, у кашулях і без. А на наступным занятку запланавалі зрабіць сёмага анёла – захавальніка.