Централизованная библиотечная система города Витебска

     18 і 27 снежня ў бібліятэцы імя Ул. Караткевіча для членаў гуртка «Бусляня» прайшоў урок чарадзейства «У Анёлка строгі послух – бараніць дзяцей, дарослых», дзе яны шчыравалі над вырабам Анёла-ахоўніка.

     Дзяцей пазнаёмілі з вершамі ў кнізе Арцёма Кавалеўскага «Мой сябра анёлак», галоўнымі героямі якіх з'яўляюцца анёлкі, якія быццам бы не існуюць у прыродзе і ў той жа час падсвядома суправаджаюць кожнага з нас у паўсядзённым жыцці, у творчых і духоўных пошуках, у вольны час.
     Урэшце, гурткоўцы самі адчулі сябе чараўнікамі, здольнымі на маленькі цуд сваімі рукамі. Кожны старанна працаваў над сваім уласным вобразам анёла-захавальніка, каб ён заўсёды быў побач і аберагаў ад непрыемнасцей і няшчасцяў.