Централизованная библиотечная система города Витебска

Супрацоўнікі бібліятэцы імя Ул. Караткевіча 5 красавіка запрасілі наведвальнікаў старшых і сярэдніх груп дзіцячага сада № 2 на гадзіну мужнасці «Дзеці Брэсцкай крэпасці».

Спачатку дзецям пры дапамозе фотаздымкаў і малюнкаў дапамаглі зразумець, што такое вайна, колькі гора і няшчасцяў яна нясе для людзей, прадставілі кнігі пра гераізм і самаахвярнасць абаронцаў Брэсцкай крэпасці, а потым расказалі пра подзвігі юных герояў цытадэлі над Бугам: Пеці Клыпы, Пеці Васільева, Колі Новікава, Валодзі Казьміна, Валі Зенкінай, Нюры Кіжэватавай і іншых, якія стаялі насмерць побач з савецкімі воінамі і камандзірамі ў цяжкія дні абароны: рызыкавалі сваім жыццём, здабывалі такую неабходную ваду і лёд, бінты, патроны і зброю, бралі фашыстаў у палон, разам з чырвонармейцамі хадзілі ў контратакі на ворага, і таму іх ужо цяжка было назваць «дзяцьмі», яны былі сапраўднымі салдатамі на той самай жорсткай і бязлітаснай вайне.