Централизованная библиотечная система города Витебска

   10 красавіка ў бібліятэцы імя Ул. Караткевіча прайшла праваслаўная гадзіна «Хрыстос уваскрос з крыві і болю, каб светач праўды не пагас» з удзелам наведвальнікаў сацыяльнага цэнтра рэабілітацыі і абілітацыі інвалідаў. Пачалося мерапрыемства з відэакліпа песні «Птушкі прыляцелі», пасля чаго бібліятэкар расказала біблейскую гісторыю вяртання да жыцця Ісуса Хрыста пасля выкліканай распяццем на Крыжы Яго смерці.

   Аповед быў праілюстраваны анімацыйным фільмам «Гісторыя Вялікдня». Напрыканцы мерапрыемства аўдыторыі паказалі відэакліп песні «Вялікдзень – Вясна», зняты пры падтрымцы Свята-Елісавецінскага манастыра ў Мінску.